Almatylyq dárigerler ókpesiniń 90 paiyzy zaqymdanǵan 72 jastaǵy zeinetkerdi qutqaryp qaldy, dep habarlaidy "Ult aqparat".
Naýqas koronavirýs juqtyryp, aýyr jaǵdaida ekijaqty pnevmoniiamen aýrýhanaǵa túsken.
Vedomstvonyń málimetinshe, 72 jastaǵy áiel Almatynyń Ortalyq qalalyq klinikalyq aýrýhanasyna aýyr halde jetkizilgen. KT tekserý kezinde ókpeniń ekijaqty polisegmenttik zaqymdanýyn kórsetti. Sonymen qatar, ókpeniń 90 paiyzy qabynǵany anyqtaldy.
Statsionarda 6 kún bolǵannan keiin naýqastyń oń aiaǵynda aýyrsyný paida boldy.
Dárigerler shuǵyl túrde aiaqtyń tómengi jaǵyna ýltradybystyq zertteý júrgizdi. Oǵan varikozdy-trombroflebiti diagnozy qoiyldy. Naýqasqa krossektomiia otasy jasaldy.
«Krossektomiia - bul aiaqtyń tamyrlaryna jasalatyn hirýrgiialyq operatsiia. Ota kezinde teri astyndaǵy úlken tamyr men onyń sannyń kóktamyryna quiatyn orny anyqtaldy (bólindi). Sannyń kóktamyrynan 0,5-1,5 sm aralyqta teri astyndaǵy tamyrdy, sondai-aq onyń barlyq salalary bailandy. Barlyq manipýliatsiialar óte muqiiat júzege asyrylady, óitkeni jambas arteriiasy jaqyn ornalasqan. Onyń ústine, uiyǵan qannyń teri astyndaǵy tamyrdan jambasqa qarai aýysý qaýpi bar. Operatsiia shamamen 1,5 saǵatqa sozyldy. Ota sátti ótti», - deidi Ortalyq qalalyq klinikalyq aýrýhanasynyń hirýrgi Nurlybek Amangeldin.
16 kún boiy naýqas KVI-dan aýrýhanada emdeldi jáne operatsiiadan keiin tósek rejiminde boldy. Dárigerlerdiń úilesimdi is-áreketteriniń arqasynda ǵana búginde ol ambýlatoriialyq baqylaýdan keiin jaǵdaiy jaqsaryp, úiine shyǵaryldy.
