2021 jyldyń qańtar aiynda Almaty qalasynda epidemiiaǵa qarsy kúreske jumyldyrylǵan meditsina qyzmetkerleri 1,77 mlrd teńge kóleminde ústemeaqy aldy. Bul týraly «Áleýmettik meditsinalyq saqtandyrý qory» KEAQ Almaty filialy málimdedi, dep habarlaidy QazAqparat.
Filial basshysy Tileýhan Ábildaevtyń aitýynsha, jyldyń alǵashqy aiynda:
Birinshi qaýip tobyna kiretin qyzmetkerlerge – 877 mln teńge (barlyǵy 1504 adam);
Ekinshi qaýip tobyna kiretin qyzmetkerlerge – 644,7 mln teńge (barlyǵy 1916 adam);
Úshinshi qaýip tobyna kiretin qyzmetkerlerge 254,4 mln teńge (1567 adam) tólendi.
Buǵan deiin habarlanǵandai, pandemiia bastalǵan 2020 jyldyń naýryzynan beri MSQ koronavirýs pen pnevmoniiaǵa qarsy kúresip jatqan meditsina qyzmetkerlerine ústemaqy tólei bastaǵan bolatyn.
«Almaty qalasy boiynsha ótken jyldyń naýryz-jeltoqsany aralyǵynda koronavirýsqa shaldyqqan syrqattardy emdeýge 7,3 mlrd teńge bólindi. 165 myń adam PTsR-test tapsyrǵan, oǵan 1,8 mlrd teńge qarastyryldy. Meditsina qyzmetkerlerine jalaqyǵa qosymsha aqy retinde 16,7 mlrd teńge tólendi», - dedi Tileýhan Ábildaev.
Esterińizge sala ketsek, Qazaqstanda koronavirýs pen pnevmoniiaǵa shaldyqqan naýqastar tegin emdeledi, ol úshin saqtandyrylǵan bolý shart emes. Sonymen qatar, patsientter COVID-19 juqtyrǵan jaǵdaida mobildi brigadalar men úi jaǵdaiyndaǵy statsionar qyzmetin paidalana alady.
