Almatyda táýlik ishinde koronavirýs juqtyrǵan myńnan astam adam tirkeldi, dep habarlaidy "Ult aqparat".
Almaty qalasynyń bas sanitar dárigeri Jandarbek Bekshin Óńirlik kommýnikatsiialar qyzmetinde ótken brifingte megapoliske qatysty epidemiologiialyq ahýaldyń nasharlaýy týraly aitty.
COVID-19 dertiniń kezekti tórtinshi tolqyny tamyz aiynyń ortasynda, qyrkúiektiń basynda kútilýde.
Bekshinniń aitýynsha, vaktsina indettiń kúrdeli kezeńinen ótýge kómektesedi. Sondai-aq Almatyda aǵzany indetten qorǵaityn tolyq vaktsina jelisi bar.
«Sońǵy aptada koronavirýsqa qatysty epidemiologiialyq ahýal ýshyǵyp otyr. Ótken aptany aldyńǵymen salystyrǵanda KVI jaǵdaiynyń tirkelýi 1,4 esege – 5 790-nan 8 393 jaǵdaiǵa deiin ósti, táýliktik ósim - 1,5%. 23 shildeden bastap KVI-diń kúndelikti tirkeýi 1 myńnan asty jáne qazirdiń ózinde 1 450-di quraidy. Osy aida Almatyda 20 818 naýqas anyqtaldy, al jyl basynan beri 76 603 naýqas tirkeldi», – dedi megapolistiń bas sanitar dárigeri.
Onyń aitýynsha, shildedegi epidemiologiialyq jaǵdaidyń naqty boljamy - 27,5 myń, al is júzinde 2 myń jaǵdaidy quraidy.
«Almatyda COVID-19 kezekti tórtinshi tolqyny tamyz aiynyń ortasynda bastalyp, qyrkúiektiń basynda tómendeidi dep kútilip otyr. Tamyz aiynda - 34,5 myń jaǵdai, qyrkúiekte - 4,5 myń jaǵdai bolady dep boljanǵan. 7 kún ishinde simptomdy naýqastardyń úlesiniń artýy 89,4-ten 90,7%-ǵa deiin jalǵasty, bul SOVID-19 delta nusqasynyń tez taralǵanyn kórsetedi», – dedi Bekshin.
