Almaty qalasynyń ákimi Baqytjan Saǵyntaev №7 qalalyq klinikalyq aýrýhana men «KFK Medservis Pliýs» JShS qoimalaryn aralap, halyqty jappai vaktsinalaý úshin QR ministrligi jetkizetin vaktsina dozalaryn qabyldaý men saqtaýǵa arnalǵan infraqurylymnyń daiyndyǵymen tanysty. Qoimalarda vaktsina dozalary ekpe pýnkterine taratylǵanǵa deiin saqtalady, dep habarlaidy "Ult aqparat".
Qala ákimi vaktsinalardy saqtaý jáne taratý algoritmimen tanysty, olardyń durys saqtalýyn qamtamasyz etý úshin jasalǵan jaǵdailardy tekserdi.
Preparattardy qabyldaý aimaǵynda bolyp, tońazytqyshtardy qarap shyqty.
Aita ketsek, QR Densaýlyq saqtaý ministrliginiń talaptaryna sáikes vaktsinalardy saqtaý úshin tońazytqysh kameralary satyp alyndy.
Qaýipsizdik úshin úsh deńgeili baqylaý júiesi, rezervtik jáne negizgi tońazytqysh agregatorlary, 4 temperatýra men ylǵaldylyq datchikteri, elektrondy jáne mehanikalyq termostattar bar.
Jalpy, qoimada ártúrli meditsinalyq buiymdar men preparattar saqtalatynyn eskere otyryp, ylǵaldylyq pen aýa almasýdy saqtaý men baqylaýdyń ár túrli aimaqtary bar.
«KFK «Medservis Pliýs» JShS biznesti damytý jónindegi direktory Saida Erdenbekova vaktsina eki konteinerde jetkiziletinin, bul táýekelderdi basqarý jáne qaýipsizdik úshin qajet ekenin aitty. Óitkeni jylý qoraptary tehnikalyq aqaý bolǵan jaǵdaida temperatýrany saqtaýǵa múmkindik beredi.
Vaktsinalaýǵa bekitilgen meditsina qyzmetkerleri ekpemen jumys isteýdi jaqsy meńgergen.
Sonymen qatar, Baqytjan Saǵyntaev №36 qalalyq emhanada boldy, onda vaktsinatsiia barysyn tekserip, vaktsina alýǵa kelgen qala turǵyndarymen áńgimelesti.
Klinika basshylyǵy vaktsina alǵysy keletinderdiń sany artqanyn jetkizdi.
Halyqty vaktsinatsiialaý algoritminde adamdardyń qaptap ketýine jol bermeý úshin aldyn ala tirkelý qarastyrylǵan.
Medmekemelerdi aralaǵan qala ákimi koronavirýs infektsiiasyn juqtyrǵan naýqastardy emdeý barysymen de tanysty.
Jalpy qalada vaktsinatsiianyń barysy josparlanǵan kórsetkishke sáikes júrip jatyr. Jumys únemi baqylaýda bolady.
