Almaty ákimi Baqytjan Saǵyntaev onlain brifing barysynda qalaǵa vaktsinany jetkizý josparlary týraly aitty, dep habarlaidy "Ult aqparat".
«Biz vaktsinatsiiany bastaimyz. Keshe qalaǵa 21 850 doza vaktsina jetkizildi. Búgin tańerteń bizdiń barlyq klinikalarda jumys bastaldy. Jalpy, bizge bastapqyda kvota boiynsha 65 myń doza berildi. Men Premer-Ministrmen sóilestim jáne halyqtyń tyǵyzdyǵy men jaǵdaidy eskere otyryp, bizge kem degende 100 myń doza qajet ekenin aittym. Keshe Memleket basshysymen ótken kezdesýden keiin Premer-Ministrmen taǵy birneshe ret kelissózder júrgizdik, ol Densaýlyq saqtaý ministrine úsh ai ishinde ai saiyn Almatyǵa 250 myń doza kvota bólýdi tapsyrǵanyn aitty. Bul sáýir, mamyr, maýsym ailary», - dedi Almaty qalasynyń ákimi Baqytjan Saǵyntaev.
Ákimniń aitýynsha, bul óte jaqsy kólem. Ujymdyq immýnitetti qalyptastyrý úshin 900 myń doza vaktsina qajet.
