Foto: www.flyredwings.com
Reseilik áýekompaniia Mahachkaladan Almatyǵa ushýdy josparlap otyr. Bul týraly áýe tasymaldaýshysynyń saitynda habarlandy, - dep habarlaidy Kaz.tengritravel.kz.
Mahachkala - Almaty reisterin Red Wings áýekompaniiasy oryndaidy. 16 shildede aptasyna bir ret - senbi kúnderi jiilikpen iske qosý josparlanǵan. Almaty - Mahachkala reisi 17 shildege bekitilgen.
Marshrýtta syiymdylyǵy 100 oryndyq SSJ 100 lainerleri qatynaidy. Biletter áýekompaniianyń resmi saitynda jáne mobildi qosymshasynda satylyp jatyr.
Bul áýekompaniianyń Daǵystan astanasynan Qazaqstanǵa birinshi baǵyty bolady. Qazaqstan Mahachkalaǵa áýekompaniianyń tikelei reisterimen bailanysty tórtinshi shet memleket bolady.
Buǵan deiin 26 maýsymda áýetasymaldaýshy qazannan Almatyǵa tikelei reisterdi iske qosatyny belgili boldy. Olardy jeksenbide, aptasyna bir ret oryndaý josparlanǵan. Almatydan Qazanǵa dúisenbi kúnderi reis bar.
