Foto: gov.kz
Ǵylym jáne joǵary bilim ministri Saiasat Nurbek Almatydaǵy jer silkinisin astanalyqtar nelikten sezgenin túsindirdi, dep habarlaidy Sputnik Qazaqstan.
Ministrdiń aitýynsha, Almatyda bolǵan jer silkinisiniń seismikalyq tolqyny ájeptáýir qýatty bolǵan. Rihter shkalasy boiynsha kúshi – 6,5-7 ball.
"Sol sebepti jer silkinisi Ortalyq Qazaqstanda da sezildi. Jerasty dúmpýleri ońtústikten soltústikke baǵyttalǵan. Sondyqtan Astananyń turǵyndary da álsiz bolsa da sezdi", – dedi Saiasat Nurbek úkimette ótken brifingte.
Dese de ol astanalyqtarǵa úreilenýdiń qajeti joq ekenin málimdedi.
"Aitý qiyn árine, biraq qorqýdyń qajeti joq. Astana ornyqty Turan platformasynda ornalasqan. Bul jai ǵana osyndai aftershok, qatty dúmpý boldy. Ýaiymdaityn eshteńe joq", – dep sendirdi vedomstvo basshysy.
Eske sala keteiik, 23 qańtar túngi saǵat 00:09-da Almatyda 5 balldyq jer silkinisi boldy. Odan bólek Shymkent qalasynda - 2, Jambyl oblysynda - 2-3 jáne Jetisý oblysynda - 4 baldyq jer silkinisi tirkelgen. Tipti Astananyń turǵyndary da jer asty dúmpýin sezgen.
Almatyda jer silkinisi kezinde 44 adam zardap shekken, onyń 34-i – eresekter. Úsh adam aýrýhanaǵa jatqyzyldy, 31 adam ambýlatorlyq emge jiberildi.
On balanyń beseýi aýrýhanaǵa tústi, qalǵan beseýi úiine ambýlatorlyq emge shyǵaryldy.
Aldyn ala málimetter boiynsha qiraǵan ǵimarattar joq.
