Almatyda jantúrshigerlik jol apatynan bir adam qaza taýyp, 4 adam aýrýhanaǵa jetkizildi, dep habarlaidy QazAqparat.
Jol apatynyń videosy áleýmettik jelide paida boldy.
Almaty qalalyq Politsiia departamentiniń málimetinshe, jantúrshigerlik jol apaty 19 mamyrda túngi saǵat 23:45 shamasynda bolǵan.
«Toyota Gracia» kóliginiń 2001 jylǵy júrgizýshisi ál-Farabi dańǵylymen batys baǵytta júrip bara jatyp rólge ie bola almai, beton jiektasqa soǵylyp, keiin kólik ál-Farabi dańǵylynyń boiymen batys baǵytta bara jatqan, 1994 jyly týǵan turǵynnyń basqarýyndaǵy «Chevrolet» markaly avtokóligimen soqtyǵysqan. Ári qarai ol jarnamalyq taqtanyń metall tiregine kirip ketti», - dedi Almaty qalalyq PD anyqtaý basqarmasynyń bastyǵy Oljas Sháripov.
Jol-kólik apatynyń saldarynan «Toyota Gracia» kóliginiń 2001 jyly týǵan jolaýshysy oqiǵa ornynda qaza tapty, kóliktegi qalǵan tórt adam, onyń ishinde júrgizýshi de ártúrli dene jaraqattarymen emdeý mekemelerine jetkizildi.
Politsiia ókiliniń aitýynsha, bul derek QR Qylmystyq kodeksiniń 345-baby 3-bóligi boiynsha sotaldy tergep-tekserýdiń biryńǵai tizilimine tirkeldi.
