Ǵylym jáne joǵary bilim ministri Saiasat Nurbek Almatydaǵy joǵary oqý oryndarynyń birinde stýdent qyzdardyń jeke derektiriniń tarap ketýi oqiǵasyna bailanysty pikir bildirdi dep habarlaidy «Ult Aqparat».
«Jeke derekterdi, ásirese meditsinalyq sipattaǵy derekterdi berý, árine - zańdy buzý. Biz bul máseleni baqylaýǵa aldyq. Óitkeni bul jerde tikelei zańbuzýshylyq bar. Kináliler qoldanystaǵy zańnama boiynsha jazalanady. Jeke derekterdi qorǵaý týraly zań bar. Bul jeke derekterge nemquraily qaraý. Bul máseleni qatań retteý kerek», - dedi ministr.
Aita keteiik, buǵan deiin WhatsApp jelisindegi 190 adamnan turatyn topqa stýdent qyzdardyń tizimi bar 4 qujat jiberilgeni týraly aqparat áleýmettik jelilerde tarady. Onda fliýrografiiadan ótýi kerek stýdentter kórsetilgeni jáne qyzdardyń JSN, telefon nomerleri men birge ginekologiialyq turǵyda málimetteri kórsetilgeni aitylǵan.
