© AFP 2021 / Alexandr BOGDANOV
Almaty ákiminiń orynbasary Iliias Óserov kóligi qaladaǵy tártipsizdikter kezinde búlingenin dáleldegen júrgizýshilerge keltirilgen shyǵyndy óteý máselesi qarastyrylyp jatqanyn aitty, - dep habarlaidy Tengrinews.kz tilshisi.
ÓKQ brifinginde ákimdik ókilderinen qaladaǵy tártipsizdik kezinde búlingen kólikter men páterler ielerine memleket shyǵyndy ótei me degen suraq qoiyldy.
Ákim orynbasary Iliias Óserov zardap shekken kásipkerler men jeke tulǵalarǵa ótemaqy tóleý áli bastalmaǵanyn, óitkeni ótemaqy tóleý erejeleri jaqynda ǵana ázirlengenin jáne áli qabyldanyp jatqanyn aitty. Bul erejelerdi úkimettik komissiia ákimdikke jetkizgen kezde turǵyndar nazaryna usynylady.
"Halyqtyń tikelei jeke múlkine keletin bolsaq, bul máselelerdi de pysyqtaimyz. Kóp jeke avtokólik zardap shekkeni túsinikti, jai zaqymdanǵany, órtenip ketkenderi bar. Bul máseleni de qarastyryp jatyrmyz, zardap shekken halyq, múmkin politsiiaǵa aryz berý kerek shyǵar, eger olardyń zalaly shyn máninde rastalsa, ony óteý máselesin, onyń ishinde jeke tulǵalarǵa da qarastyramyz", - dedi ákim orynbasary.
