Seifýllin - Jansúgirov jol airyǵynyń eskizi
Almatydaǵy Seifýllin dańǵyly men Jansúgirov kóshesiniń qiylysyndaǵy jolairyq salý quny bes milliard teńgege qymbattady, - dep habarlaidy Tengrinews.kz agenttigi qalalyq ákimdikke silteme jasap.
Sheneýnikterdiń aitýynsha, jolairyq salý quny qurylys bastalmai turyp bólingen biýdjetke sai emes. Osyǵan deiin Seifýllin-Jansúgirov jolairyǵynyń qurylysyna 8,6 milliard teńge jumsaý josparlanǵan bolatyn.
"Qurylys jumystaryna biýdjet jetpei otyr. Ótken jyly túzetý engizilip, memlekettik saraptama bekitildi. Baǵanyń qymbattaý somasy bes milliard 112 million 738 myń 790 teńge", - dedi ákimdiktegiler.
Jobanyń qymbattaýy qurylys materialdary men jumys baǵasynyń ósýine bailanysty. Qala biligi materialdardyń qunyn naryqtyq baǵalarǵa sáikes túzetetinin habarlady. Mysaly, kelesi qurylys materialdary qymbattady:
- armatýra - 101 paiyzǵa;
- beton - 30 paiyzǵa;
- bolat qubyrlar - 86 paiyzǵa;
- shoiyn ysyrmalar-46 paiyzǵa;
- kópir qorshaýy - 45 paiyzǵa;
Jolairyq qurylysynyń jumysy júrip jatyr. "Batys" jáne "Shyǵys" ótpejoldary, jaiaý júrginshiler ótkeli salyndy.
"Qurylys-montaj jumystary toqtatylǵan joq. Jańa jer telimderi satyp alynyp jatqandyqtan jumys jalǵasyp jatyr", - dep atap ótti ákimdiktegiler.
Eske salaiyq, joba 2013 jyly Ahmetjan Esimov tusynda bekitilgen bolatyn. Qurylys jumystary áli jalǵasyp jatyr.
