Almatyda sel júrý qaýpine bailanysty Naýryzbai aýdanynda evakýatsiialaý pýnktteri belgilendi, dep habarlaidy "Ult aqparat".
«Evakýatsiialaý pýnktteri: 1. Eski ákimshilik (Jandosov-Rysqulov). 2. Shahmerdenov atyndaǵy 175 mektep. 3. 158 mektep. (Jandosov – Iasaýi qiylysy)», - delingen Almaty ákimdigi taratqan habarlamada.
TJD sońǵy ýaqyttarda muzdyq kólderi sýynyń aǵyzylýy týraly aqparat berdi.
Sel qaýpi týyndaǵan kóldiń sýy 77 myń tekshe metrden 26 myń tekshe metrge deiin azaityldy.
«2015 jyly bul plotinadan 30 myń tekshe metr sý ótken. Bógettiń jobalyq qýaty 1,2 mln tekshe metr. Bul jerge 600 myń tekshe metr sý jetedi. Apattyq jaǵdaida sekýndyna 10 tekshe metr sý jiberiledi. Ózenniń arnasy 20 myń tekshe metrge eseptelip, betondalǵan», - dedi TJD ókilderi.
Búgin Almatyda Naýryzbai aýdanynda az mólsherde sel júrdi.
Eske sala ketsek, tańerteń tótenshelikter Qarǵaly ózeni boiynda sel júrý qaýpi tóngenin habarlap, dabyl kótergen bolatyn.
