الماتىداعى سەل قاۋپٸ: قالاداعى ەۆاكۋاتسييالاۋ پۋنكتتەرٸ بەلگٸلەندٸ

الماتىدا سەل جٷرۋ قاۋپٸنە بايلانىستى ناۋرىزباي اۋدانىندا ەۆاكۋاتسييالاۋ پۋنكتتەرٸ بەلگٸلەندٸ, دەپ حابارلايدى "ۇلت اقپارات".

«ەۆاكۋاتسييالاۋ پۋنكتتەرٸ: 1. ەسكٸ ەكٸمشٸلٸك (جاندوسوۆ-رىسقۇلوۆ). 2. شاحمەردەنوۆ اتىنداعى 175 مەكتەپ. 3. 158 مەكتەپ. (جاندوسوۆ – ياساۋي قيىلىسى)», - دەلٸنگەن الماتى ەكٸمدٸگٸ تاراتقان حابارلامادا.

تجد سوڭعى ۋاقىتتاردا مۇزدىق كٶلدەرٸ سۋىنىڭ اعىزىلۋى تۋرالى اقپارات بەردٸ.

سەل قاۋپٸ تۋىنداعان كٶلدٸڭ سۋى 77 مىڭ تەكشە مەتردەن 26 مىڭ تەكشە مەترگە دەيٸن ازايتىلدى.

«2015 جىلى بۇل پلوتينادان 30 مىڭ تەكشە مەتر سۋ ٶتكەن. بٶگەتتٸڭ جوبالىق قۋاتى 1,2 ملن تەكشە مەتر. بۇل جەرگە 600 مىڭ تەكشە مەتر سۋ جەتەدٸ. اپاتتىق جاعدايدا سەكۋندىنا 10 تەكشە مەتر سۋ جٸبەرٸلەدٸ. ٶزەننٸڭ ارناسى 20 مىڭ تەكشە مەترگە ەسەپتەلٸپ, بەتوندالعان», - دەدٸ تجد ٶكٸلدەرٸ.

بٷگٸن الماتىدا ناۋرىزباي اۋدانىندا از مٶلشەردە سەل جٷردٸ.

ەسكە سالا كەتسەك, تاڭەرتەڭ تٶتەنشەلٸكتەر قارعالى ٶزەنٸ بويىندا سەل جٷرۋ قاۋپٸ تٶنگەنٸن حابارلاپ, دابىل كٶتەرگەن بولاتىن.