Almaty qalasynyń «Samal-2» shaǵyn aýdanynda 28 qabatty turǵyn úidiń qurylysyna jol berilmeidi, dep habarlaidy "Ult aqparat".
Áleýmettik jelide «Samal-2» shaǵyn aýdanynda kópqabatty úidiń qurylysy týraly aqparat tarady.
Almaty qalalyq josparlaý jáne ýrbanistika basqarmasy bul aqparattyń shyndyqqa janaspaitynyn málim etti.
«Dostyq dańǵyly, 91v meken-jaiyndaǵy ýchaske zańdy tulǵaǵa jeke menshik quqyǵymen tiesili. Jer ýchaskesiniń nysanaly maqsaty turǵyn emes úi-jailardy paidalaný jáne ol turǵyn úi kesheni qurylysyna ruqsat berý qujaty bolyp tabylmaidy. Ýchaskeniń menshik iesi jobalaý aldyndaǵy qujattamany alý úshin Qalalyq josparlaý jáne ýrbanistika basqarmasyna júgingen joq»,-dep habarlady basqarmadan.
