Almatydaǵy Sain kóshesin úsh shaqyrymǵa uzartý josparlanyp otyr. Bul týraly qalalyq máslihattyń depýtaty Mihail Grachev málim etti, dep habarlaidy "Ult aqparat".
Onyń aitýynsha, Sain kóshesin Rysqulov dańǵyly men Aqyn Sara kóshesi aralyǵynda uzartpaq. Uzyndyǵy 3 shaqyrymnan asatyn jańa torap qalanyń soltústik batys bóligin ortalyqpen jalǵaidy.
«Qazirgi ýaqytta Nazarbaev dańǵylyn Raiymbekten Jansúgirovke deiin uzartý jumystary júrgizilýde. Qarasha aiynda aiaqtalady dep kútilýde», - dedi Mihail Grachev.
Sondai-aq ol Nazarbaev dańǵylyn uzartý arqyly kólik júktemesin 20%-ǵa deiin tómendetýge bolatynyn atap ótti. Sonymen qatar bul - shahardyń iri joldaryndaǵy kólik aǵyny men keptelisterdi azaitýǵa yqpal etedi.
