Foto: Almaty ákimdigi
2026 jyly Almatyda qalalyq mýzeiler birlestigi quramyna enetin zamanaýi «Raiymbek batyr» mýzeilik-memorialdyq kesheni ashylady, dep habarlaidy Ult.kz.
Keshen Raiymbek batyrdyń ómiri men erligi zamanaýi formatta tanystyrylatyn mýzei keńistigine ainalady. Jobada eskertkish ornatý, interaktivti kórme qoiylǵan ekspozitsiialyq zaldar, sondai-aq dárister men sheberdiń sabaǵyna arnalǵan bilim berý jáne mádeni alańdar qarastyrylǵan.
Sonymen qatar kelýshiler VR-týrlar arqyly shaiqastarǵa «qatysa» alady. Bul úshin virtýaldy jáne mýltimediialyq jobalar ázirlenedi.
Sondai-aq, «Observatorium» mýzeii ashylady. Ol ǵylymdy, astronomiiany jáne tehnologiiany nasihattaýǵa arnalady. Kelýshiler interaktivti ekspozitsiia arqyly ǵaryshty zerttep, ǵylymi tájiribe júrgizip, arnaiy teleskop aimaǵynda juldyzdy aspandy baqylai alady. Sonymen birge mýzeide jasandy intellekt engizý, VR-joba iske qosý jáne robot-gid qyzmetin paidalaný josparlanǵan.
