Almaty qalalyq TJD basshysy Serik Áýbákirov qalada jaqynda bolǵan eki órtke qatysty túsinik berdi, dep habarlaidy QazAqparat tilshisi.
Departament basshysynyń aitýynsha, qalada eki órt keshe sóndirilgen. Kóktóbede shyqqan órt sóndirilgen soń 22 minýt ótkende ekinshi órt týraly habarlama túsken.
Ekinshi qońyraýǵa shyqqanda órt sóndirýshiler er adamnyń múrdesin tapty.
«Ekinshi órttiń alǵashqy minýttarynda órtengen jerdiń tómengi jaǵynda er adamnyń múrdesi tabyldy. Qazir politsiia onyń kim ekendigin anyqtap jatyr. Órttiń sebebin naqty aita almaimyn. Bireý órtedi me álde joq pa? Ony politsiia anyqtap jatyr», - dedi Serik Áýbákirov.
Departament basshysynyń aitýynsha, tilsiz jaý jekemenshik sektordy sharpýdyń az-aq aldynda bolǵan.
Aita ketý kerek, keshe Kóktóbe bókterinde qurǵaq shi órtengen bolatyn. Ony sóndirýge birneshe tikushaq jumyldyryldy.
Oqiǵa bolǵan jerge kóp uzatpai Almaty ákimi Baqytjan Saǵyntaev keldi.
Keiin arada birneshe minýt ótken soń sol aimaqqa jaqyn jerde taǵy bir órt tutandy. Bul joly tilsiz jaý Divaev kóshesine jaqyn boldy.
Qyzyl jalyn 1 000 sharshy metr aýmaqty jaramsyz etken. Sol jerden órt sóndirýshiler ólgen adamnyń denesin taýyp aldy.
