الماتى قالالىق تجد باسشىسى سەرٸك ەۋبەكٸروۆ قالادا جاقىندا بولعان ەكٸ ٶرتكە قاتىستى تٷسٸنٸك بەردٸ, دەپ حابارلايدى قازاقپارات تٸلشٸسٸ.
دەپارتامەنت باسشىسىنىڭ ايتۋىنشا, قالادا ەكٸ ٶرت كەشە سٶندٸرٸلگەن. كٶكتٶبەدە شىققان ٶرت سٶندٸرٸلگەن سوڭ 22 مينۋت ٶتكەندە ەكٸنشٸ ٶرت تۋرالى حابارلاما تٷسكەن.
ەكٸنشٸ قوڭىراۋعا شىققاندا ٶرت سٶندٸرۋشٸلەر ەر ادامنىڭ مٷردەسٸن تاپتى.
«ەكٸنشٸ ٶرتتٸڭ العاشقى مينۋتتارىندا ٶرتەنگەن جەردٸڭ تٶمەنگٸ جاعىندا ەر ادامنىڭ مٷردەسٸ تابىلدى. قازٸر پوليتسييا ونىڭ كٸم ەكەندٸگٸن انىقتاپ جاتىر. ٶرتتٸڭ سەبەبٸن ناقتى ايتا المايمىن. بٸرەۋ ٶرتەدٸ مە ەلدە جوق پا? ونى پوليتسييا انىقتاپ جاتىر», - دەدٸ سەرٸك ەۋبەكٸروۆ.
دەپارتامەنت باسشىسىنىڭ ايتۋىنشا, تٸلسٸز جاۋ جەكەمەنشٸك سەكتوردى شارپۋدىڭ از-اق الدىندا بولعان.
ايتا كەتۋ كەرەك, كەشە كٶكتٶبە بٶكتەرٸندە قۇرعاق شي ٶرتەنگەن بولاتىن. ونى سٶندٸرۋگە بٸرنەشە تٸكۇشاق جۇمىلدىرىلدى.
وقيعا بولعان جەرگە كٶپ ۇزاتپاي الماتى ەكٸمٸ باقىتجان ساعىنتاەۆ كەلدٸ.
كەيٸن ارادا بٸرنەشە مينۋت ٶتكەن سوڭ سول ايماققا جاقىن جەردە تاعى بٸر ٶرت تۇتاندى. بۇل جولى تٸلسٸز جاۋ ديۆاەۆ كٶشەسٸنە جاقىن بولدى.
قىزىل جالىن 1 000 شارشى مەتر اۋماقتى جارامسىز ەتكەن. سول جەردەن ٶرت سٶندٸرۋشٸلەر ٶلگەن ادامنىڭ دەنەسٸن تاۋىپ الدى.
