Almatyda aǵashtardy órtegen adam ustaldy, - dep habarlaidy Polisia.kz.
"Beinekameralar jáne kýágerlik aiǵaqtardyń kómegimen Bostandyq aýdanyndaǵy órt ornynda kúdikti er adam anyqtaldy. Bul - 1968 jyly týǵan er adam. Ol ot jaqqanyn moiyndady", - delingen habarlamada.
Er adam mas kúide bolǵanyn jáne konservilerdi jylytqysy kelgenin aitqan, biraq órt butalarǵa ótken, sol kezde er adam qoryqqanynan oqiǵa ornynan ketip qalǵan.
Politsiia ókilderi oqiǵanyń mán-jaiy anyqtalatynyn aitty.
Eske salaiyq, keshe, 6 qyrkúiekte Almatydaǵy "Kók Tóbe" mańynda qasaqana órt qoidy degen adamnyń videosy taraǵan bolatyn.
