© AP Photo / Vladimir Tretyakov
Qańtar oqiǵasyna qatysqan keibir adamdardy qaharmandardyń qataryna qosýdyń qajeti joq. Bul týraly "Rossiia 24" telearnasyna suhbat bergen Qazaqstan Prezidenti Qasym-Jomart Toqaev aitty, dep habarlaidy Sputnik Qazaqstan.
"Almatydaǵy oqiǵaǵa jeńil-jelpi qaraýǵa bolmaidy. Al adam óltirgen, dúken tonaǵan jáne memleket qurylymyna qarsy shyqqan adamdardy ulttyq qaharmandardyń qataryna qosýdyń qajeti joq. Degenmen biz raqymshylyq tanytyp, ustalǵan keibir adamdardy týǵan-týystarynyń ótinishi boiynsha bosatyp jatyrmyz", - dedi Memleket basshysy.
Prezidenttiń aitýynsha, osy ýaqytqa deiin 26 adam ǵana bas bostandyǵynan aiyrylǵan. Basqa qylmystyq ister tergelip jatyr. Ony qysqa ýaqyttyń ishinde qarap shyǵý múmkin emes.
"Men jas áskerilerdi qatty aiaimyn. Olardy ólgenshe sabaǵan, tyr jalańash etip sheshindirgen de, ákimshilik ǵimarattarǵa shabýyl jasaý kezinde tiri qalqan retinde paidalanǵan. Politseilerdi de qatty aiaimyn. Olar barynsha ustamdy bolýǵa tyrysty. Iá, basynda beibit halyq kóshege shyqqan. Alaida artynan banditter, terrorister keldi. Sol kezde óte kóp politsei zardap shekti", - dep atap ótti Toqaev.
Osy oraida Memleket basshysy tergeý kezinde qyzmet babyn asyra paidalanǵan politseilerdiń jaýapqa tartylǵanyn aita ketti.
