Almatyda koronavirýs infektsiianyń aldyn alý jáne oǵan qarsy kúres boiynsha qala ákimdigi men qoǵamdyq densaýlyq basqarmasy arnaiy is-sharalar qabyldady, dep habarlaidy "Ult aqparat".
Almaty qalalyq qoǵamdyq densaýlyq saqtaý basqarmasynyń málimetinshe, meditsinalyq uiymdardyń materialdyq-tehnikalyq jabdyqtalýyn jaqsartý úshin 2020 jyly jergilikti biýdjetten 43,1 mlrd teńge bólindi.
«KVI pandemiiasyna jáne daǵdarysqa qarsy sharalardy júzege asyrý maqsatynda Almaty qalasynyń ákimdigi men qoǵamdyq densaýlyq basqarmasy 11 000-nan astam zamanaýi meditsinalyq qural-jabdyq satyp aldy. Qaladaǵy barlyq juqpaly aýrýlar statsionarlarynyń reanimatsiia jáne qarqyndy terapiia bólimsheleri tolyq jabdyqtaldy. ÓJJ apparattary, HiFLO joǵary aǵyndy ottegi terapiia apparattary, ottegi kontsentratorlary satyp alyndy, KVI-men aýyratyn naýqastar úshin jeke operatsiialyq bloktar ashyldy», - dep habarlady Almaty qalalyq densaýlyq saqtaý basqarmasynan.
Bastapqy meditsinalyq-sanitarlyq kómek deńgeiinde 298 mobildi brigada qurylyp, 948 qyzmetker jumys isteidi. BMSK maqsaty – patsientterdi ambýlatoriialyq jaǵdaida monitoringteý, diagnostikalaý jáne emdeý.
KVI men pnevmoniiadan bolatyn ólim-jitimdi azaitý jáne reanimatsiialyq patsientterdi emdeý tiimdiligin arttyrý úshin Almatyda Anesteziologiia jáne reanimatsiia mobildi ortalyǵy quryldy. Juqpaly aýrýlar aýrýhanalar deńgeiinde turaqty túrde jaǵdaiy aýyr dárejedegi naýqastardyń jai-kúiine monitoring jáne ólim jaǵdaiyna bailanysty taldaý júrgiziledi. Júrgizilgen jumys nátijesinde ólim-jitim kórsetkishi 2,5 esege tómendedi.
«Ambýlatoriialyq naýqastardyń jaǵdaiyn, sondai-aq patsientterdiń karantindik rejimdi saqtaýyn baqylaý úshin qyrkúiek aiynda Telemeditsina ortalyǵy quryldy. Telemeditsina ortalyǵy táýlik boiy jumys isteidi, 2020 jyldyń qarasha aiynan 2021 jyldyń naýryzyna deiin 17 000-nan astam kiris qońyraýy jáne 98 000-nan astam shyǵys qońyraýlary qabyldandy. Jedel meditsinalyq járdem qyzmetinde dispetcherlik qyzmet kúsheitilip, zamanaýi reanimatsiialyq jabdyqtarmen jaraqtandyrylǵan 135 arnaiy qyzmet mashinasy satyp alyndy. Osylaisha, Almatydaǵy JMJQ avtoparki 80%-ǵa jańartyldy jáne qazirgi ýaqytta qala turǵyndarynyń ómirin saqtap qalý úshin eń ozyq tehnikaǵa ie»,- dep atap ótti basqarmadaǵylar.
Diagnostikalyq bólimsheler men zerthanalarda qamtamasyz etildi. Almaty qalasy qoǵamdyq densaýlyq basqarmasynyń meditsinalyq uiymdaryna rentgen apparattary, kompiýterlik jáne magnitti-rezonansty tomograftar, statsionarlyq jáne jyljymaly ÝDZ apparattary, elektrokardiograftar, kóptegen zerthanalyq jabdyqtardyń jetkizildi. COVID-19 virýsyn anyqtaýǵa PTR-testiniń diagnostikasy úshin balalar juqpaly aýrýlar aýrýhanasynyń bazasynda modýldik zerthana ashyldy. Táýligine 5000-ǵa deiin PTR-test tekseriledi. Zerthana táýlik boiy jumys isteidi.
Pandemiia kezinde 5000-nan astam meditsina qyzmetkeri jumyldyryldy. Infektsiialyq statsionarlarda kadr rezervi qalyptastyryldy, onda 2500-den astam meditsina qyzmetkeri, onyń ishinde 375 dáriger, 1 582 orta meditsinalyq personal, 452 kishi meditsinalyq personaly men eriktiler. Búgingi tańda qalanyń barlyq statsionarlary bilikti mamandarmen tolyq qamtamasyz etildi.
«Koronavirýstyq pandemiia bastalǵannan beri Almaty qalasy qoǵamdyq densaýlyq saqtaý basqarmasy COVID-19 virýsyn juqtyrǵan naýqastardy emdep, «qaýipti aimaqta» jumys istegen meditsinalyq uiymdarynyń qyzmetkerlerine jalaqyǵa ústemeaqy tólendi. 2020 jyldyń 10 aiy úshin ústemeaqy tóleýdiń jalpy somasy 16,7 mlrd teńgeden astam somaǵa júzege asyryldy. Qaladaǵy meditsina uiymdarynda KVI ǵana emes, basqa da aýrýlary bar patsientterdi emdeýge arnalǵan statsionarlar, tósek oryndary, mamandar jáne jabdyqtar jetkilikti», - dep habarlady qalalyq qoǵamdyq densaýlyq saqtaý basqarmasynyń baspasóz qyzmeti.
