Almaty qalalyq qoǵamdyq densaýlyq saqtaý basqarmasy COVID-19 virýsyn juqtyrǵan naýqastardy emdeitin I.S.Jekenov atyndaǵy qalalyq klinikalyq juqpaly aýrýlar aýrýhanasynyń videosyn kórsetti, dep habarlaidy "Ult aqparat".
Video men sýretterdi qalalyq qoǵamdyq densaýlyq saqtaý basqarmasynyń baspasóz qyzmeti usyndy. Ol jerden bos palatalardy, dálizderdi, jansaqtaý jáne qabyldaý bólmesin kórýge bolady.
Basqarma málimetine sáikes, bul meditsinalyq mekemede 500 tósek-oryn bar. Jalpy, qalada tósek-oryn sany 7011, onyń 5000 bos emes.
«Ózderińiz biletindei, juqpaly aýrýlarǵa arnalǵan barlyq tósekter materialdyq-tehnikalyq jabdyqtalýyna, personaldyń daiyndyǵyna bailanysty 3 eshelonǵa bólingen: jaǵdaiy aýyr, qalypty jáne jeńil naýqastarǵa arnalǵan. 29 naýryzdaǵy jaǵdai boiynsha juqpaly aýrýlar aýrýhanalarynda 2 759 adam (108 bala) jatyr, 39 naýqastyń jaǵdaiy óte aýyr, 266-sy aýyr, 2 454-i ortasha aýyrlyqta. 28 naýryz kúni 204 adam aýrýhanadan shyǵaryldy», - dep habarlady basqarmadan.
Sonymen qatar, «Halyk Arena» kesheninde 1000 tósek-oryn daiyndaldy. Keshen meditsinalyq quralmen, jihazben, dári-dármektermen tolyq qamtamasyz etilgen.
