Almatydaǵy №4 qalalyq klinikalyq aýrýhananyń bas dárigeri Saǵi Beisenbekov júk kóligi qaǵyp ketken áiel men balanyń jaǵdaiy týraly aitty, dep habarlaidy "Ult aqparat".
№4 qalalyq klinikalyq aýrýhananyń baspasóz qyzmetiniń málimetishe, 15 naýryz kúni aýrýhananyń qabyldaý bólimine jol-kólik apaty saldarynan jaraqat alǵan balany alyp kele jatqandyǵy týraly habarlama kelip túsken.
«Kishkentai naýqasty qabyldaý úshin barlyq sharalar qabyldandy, dárigerlerdiń kópsalaly toby shaqyryldy, balalar reanimatology jáne travmatologta keldi. 2010 jyly týǵan qyz bala aýyr halde jetkizildi. Shuǵyl túrde reanimatsiia jaǵdaiynda shokqa qarsy terapiia jasalyp, konsiliým ótti. Jaǵdai turaqtanǵannan keiin balaǵa jedel túrde operatsiia jasaldy», - deidi №4 qalalyq klinikalyq aýrýhananyń bas dárigeri Saǵi Beisenbekov.
Aýrýhanadaǵylar málim etkendei, jaraqaty aýyr naýqastyń oń aiaǵyn kesý týraly suraq týyndady.
«Operatsiia bólmesinde angiohirýrgpen birge aiaqty saqtap qalý týraly sheshim qabyldandy. Biz aiaqty qalpyna keltirý úshin barlyq qajetti sharalardy qabyldadyq. Arnaiy qural qoldanyldy, aiaqtyń uzyndyǵy saqtaldy», - dep qosty Saǵi Beisenbekov.
Operatsiia 4 saǵatqa sozyldy. Budan bólek balada birneshe jaraqat boldy. Polijaraqat, midyń shaiqalýy, jabyq keýde jáne ishtiń ashyq jaraqaty. Ekinshi dárejeli gemorragiialyq shok. Úshinshi dárejeli travmatikalyq shok. Onyń ómiri úshin №4 qalalyq klinikalyq aýrýhananyń bes dárigerinen quralǵan operatsiialyq top kúresti.
Úshinshi kúni kishkentai qyz balalar jedel járdem ortalyǵyna aýystyryldy.
Al, 1963 jyly týǵan naýqasqa jumsaq tinderdiń jaraqaty, gematoma,birinshi dárejeli travmatikalyq shok diagnozy qoiyldy. Alǵashqy qajetti kómek kórsetildi. Jaǵdai turaqty aýyr dep baǵalanýda.
Buǵan deiin, Almatyda júk kóligi áiel men balany qaǵyp ketkeni týraly habarlaǵan bolatynbyz. Atalǵan jol-kólik apaty QRQK 345-baby, 2-bólimi boiynsha tergep jatyr.
