Almatyda qoǵamdyq kólik júrgizýshilerin jappai tekseris kútip túr. Buǵan sebep, esirtki qoldanǵan áriptesteriniń qylyǵy, dep habarlaidy "Ult aqparat".
«2019 jyldyń 17 qazanynda jol politsiiasy qujattardy tekserý barysynda № 103 baǵdardaǵy avtobýstyń júrgizýshisin ustady. Onyń minez-qulqy men ózin-ózi ustaýy kúdik týdyrǵan. Politsiia qyzmetkerleri birden ony meditsinalyq tekseristen ótýge alyp barǵan. Fakt rastaldy. Osydan keiin júrgizýshi jumystan shettetilip, kásiporynda atalǵan fakti boiynsha qyzmettik tergeý bastaldy», - dep habarlaidy «AlmatyElektrotrans» JShS.
Qyzmettik tekserý nátijesi boiynsha, qoǵamdyq kólik júrgizýshisi tańerteń josparly meditsinalyq tekseristen ótkendigi anyqtaldy.
Tasymaldaýshy kompaniianyń habarlaýynsha, qazirgi ýaqytta júrgizýshiniń «esengiretetin shópti» qaida, qashan jáne qandai jaǵdaida qoldanǵany anyqtalýda.
«Almatyelektrotrans» JShS atynan osy jaǵdai úshin keshirim suraimyz. Mundai fakti bizdi de tań qaldyrdy. Biz endi jappai tekserýdi bastaimyz», - dedi «Almatyelektrotrans» JShS.
Esterińizge salaiyq, keshe Almatyda esirtki qoldanǵan avtobýs júrgizýshisi ustaldy. Ol jolaýshylardy tasymaldaǵan.
