Almaty politsiiasy «Sulpak» dúkeniniń janyndaǵy aǵashtardy kesý faktisi boiynsha qozǵalǵan qylmystyq istiń aiaqtalýyna qatysty túsinikteme berdi, dep habarlaidy "Ult aqparat".
Esep berý kezdesýi barysynda, turǵyndar Baqytjan Saǵyntaevtan «Sulpak» dúkeniniń janyndaǵy aǵashtardy keskender qandai jaýapqa tartylǵanyn surady.
Bul saýalǵa Almaty qalasynyń Politsiia departamenti basshysy Qanat Taimerdenov jaýap berdi.
«Bul fakt boiynsha biz tergeý protsesin aiaqtadyq. Is QRQK 300 baby boiynsha qaraldy. Qazirgi ýaqytta qylmystyq is prokýratýraǵa joldandy»,- dedi ol.
Eske sala ketsek, 23 qarashaǵa qaraǵan túni Almatyda saýda úiiniń janynda (Áýezov-Tóle bi kósheleriniń qiylysy) jaiqalǵan emen men qaraǵash otaldy. Buǵan qatysty turǵyndar áleýmettik jelide narazylyq bildirdi.
Prezident Qasym-Jomart Toqaev Almaty qalasy Tóle bi kóshesindegi aǵashtardyń otalǵanyna qatysty jaǵdaiǵa nazar aýdardy.
Memleket basshysy Almaty ákimi Baqytjan Saǵyntaevqa atalǵan jaǵdaiǵa bailanysty qyzmettik tekserý júrgizip, kinálilerdi jaýapkershilikke tartýdy tapsyrdy.
