Vaktsinatsiia kabineti óner murajaiynyń birinshi qabatynda ornalasqan, dep habarlaidy "Ult aqparat".
Á. Qasteev atyndaǵy óner murajaiynda Almaty qalasynyń № 12 emhanasynan mobildi egý pýnkti ashyldy. Emhananyń bas dárigeriniń mindetin atqarýshy Toǵjan Ábildaeva olardyń vaktsinatsiia pýnkti de basqalar siiaqty saǵat 8.00-den 20.00-ge deiin jumys isteitinin aitty.
«Vaktsinatsiiadan keiin patsientter «Óner» kórme pavilonynyń ekinshi qabatyna kútý úshin ótedi, onda dárigerdiń baqylaýymen 30 minýt ótkizý qajet. Bul kezde kóńilge jaǵymdy dúnie men paidalyny biriktirýge bolady», - deidi Toǵjan Ábildaeva.
Atalǵan egý pýnkti «Kóktem-3» shaǵynaýdanynda ornalasqan. Bólmeler sanitarlyq normalarǵa sáikes jabdyqtaldy. Kútý zaldarynda jáne vaktsinadan keiingi aimaqta áleýmettik qashyqtyq saqtalǵan. Ózimen birge jeke kýálik bolýy tiis.
Vaktsinatsiia alǵandardyń qatarynda qala turǵyny Shámsha Ájibaeva bar.Ol ekpeden keiingi áserimen bólisti.
«Qazir BAQ men internette vaktsinatsiia týraly jii aitylyp ta, jazylyp ta júr. Men aýyryp qalmaý úshin vaktsina alýdy jón sanadym, árqaisymyzdyń úiimizde týǵan-týystarymyz, balalarymyz kútip otyr, olarǵa qaýip tóndirgim kelmeidi», - deidi almatylyq Shámsha Ájibaeva.
Aita keteiik, qazir qalada 200-den astam vaktsina egý pýnktteri bar. Halyqtyń barlyq toptary úshin koronavirýs infektsiiasyna qarsy ekpe tegin júrgiziledi.
