Megapoliste epidemiologiialyq jaǵdai áli de kúrdeli. Bul týraly onlain brifing barysynda Almaty qalasy Sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin málim etti, dep habarlaidy QazAqparat.
«Almaty qalasy halqynyń immýndyq qabaty biylǵy jyldyń 25 tamyzynda vaktsinatsiialaýdyń tolyq kýrsynan keiin halyqtyń qala resmi sanynyń 41%-yn qurady. Koronavirýs burynǵydai, 20-39 jas aralyǵyndaǵy azamattar arasynda órship tur 33,5%, 40-59 jas aralyǵynda 25,2% jáne 60 jas jáne odan joǵary – 23,1%»,- dedi Jandarbek Bekshin.
Onyń aitýynsha, Almaty qalasynda epidemiologiialyq jaǵdai kúrdelene túsýde.
«Epidemiologiialyq jaǵdaidy baǵalaý matritsasynda qala «qyzyl» aimaqta bolýyn jalǵastyrýda. Osy jyldyń 25 maýsymynan bastap qazirgi ýaqytqa deiin «úndilik» COVID-19 nusqasyna bailanysty indettiń tórtinshi tolqyny júrip jatyr. Epidemiianyń osy tolqynynyń damý shyńy 12 tamyzda bastaldy. Megapoliste táýligine shamamen 1,5 – 1,6 myń adamnan koronavirýs anyqtalyp jatyr», - dedi ol.
