Foto: Tengrinews.kz
Almaty prokýrorlary "Spýtnik" turǵyn úi keshenindegi ana men eki balanyń ólimine qatysty isti baqylaýǵa aldy, - dep habarlaidy Tengrinews.kz.
Vedomstvo málimetinshe, marqum 34 jastaǵy áiel men onyń 2015 jáne 2020 jyly týǵan balalarynyń denesinde zorlyq belgileri tabylǵan.
"Politsiia departamenti adam óltirý deregi boiynsha sotaldy tergeýdi bastady, onyń aiasynda tergeý jáne jedel-izdestirý sharalarynyń tolyq kesheni júrgizilip jatyr. Tiisti saraptamalar taǵaiyndalyp, beinematerialdar zerdelenip, kýágerlerden jaýap alynady.
Qylmystyq is júrgizý kodeksiniń 201-babyna sáikes sotaldy tergeýdiń ózge derekteri jariia etilmeidi. Qylmystyq isti tergeýdi qalalyq prokýratýra erekshe baqylaýǵa aldy", - dedi vedomstvo ókilderi.
Eske salaiyq, oqiǵa 6 tamyzda "Mamyr" shaǵynaýdanyndaǵy páterlerdiń birinde bolǵan. Politsiia departamentiniń bastyǵy, general-maior Arystanǵani Zapparov tergeýdi jeke baqylaýyna aldy.
