Almatydaǵy atysqa qatysty oqiǵanyń mán-jaiy belgili boldy, - dep habarlaidy "Ult aqparat" Almaty PD baspasóz qyzmetine silteme jasap.
Qaiǵyly oqiǵa búgin, 20 qyrkúiekte saǵat shamamen 17.00-de bolǵan. Eki adamnyń menshik quqyǵyna qatysty daýy boiynsha sot sheshimin oryndaý protsesi kezinde janjal shyqqan.
"Sot sheshimin kórgen soń, jergilikti turǵyn úige júgirip baryp, sot oryndaýshysyna, ýchaskelik politsiia inspektorlaryna jáne aýlada bolǵan basqa adamdarǵa qarýdan oq jaýdyrdy. Bes adam, onyń ishinde qyzmette bolǵan eki politsiia qyzmetkeri, oqtan jaraqat alyp, qaza boldy", - delingen habarlamada.
Vedomstvo málimetinshe, kúdikti arnaiy jasaq sarbazdary kómegimen qarý qoldanylmai ustaldy, óitkeni úide áielder men balalar bolǵany eskerilgen.
"Fakt boiynsha QR Qylmystyq kodeksiniń 99-baby 2-bóligi "Adam óltirý" boiynsha qylmystyq is qozǵaldy. Qylmys jasaǵany úshin 20 jylǵa deiin bas bostandyǵynan aiyrý nemese ómir boiyna bas bostandyǵynan aiyrý jazasy qarastyrylǵan", - delingen habarlamada.
Qazirgi ýaqytta oqiǵa ornynda jedel-tergeý toby jumys istep jatyr. Oqiǵa bolǵan jerdi politsiia qorshaýǵa aldy. Turǵyndardyń ómiri men densaýlyǵyna qaýip joq.
Eske salaiyq, búgin, 20 qyrkúiekte saǵat 17.00-de Almatynyń Alataý aýdanyndaǵy "Aqbulaq" shaǵynaýdanynda atys bolǵan edi.
Aita keteri, bas kezinde qaitys bolǵandardyń arasynda tótenshe jaǵdailar departamentiniń eki qyzmetkeri bar degen aqparat taraǵan. Alaida tótenshe jaǵdailar ministrligi ol málimetti joqqa shyǵardy. Olar kýágerler nemese úidi óndirip alǵan jaqtyń ókilderi bolýy múmkin.
