Almatyda bes adamdy atyp óltirgen kúdikti eki aiǵa qamaýǵa alyndy, dep habarlaidy QazAqparat.
Almaty qalasy mamandandyrylǵan aýdanaralyq tergeý soty Igor Dýjnovqa qatysty sheshim shyǵardy.
Kúdikti eki aiǵa qamaýǵa alyndy.
Aita keteiik, 20 qyrkúiekte keshke Almatyda atys boldy. 54 jastaǵy er adam úiden shyǵarý týraly sot sheshimin oryndaýǵa kelgen sot oryndaýshysyna, politsiia qyzmetkerlerine jáne aýlada bolǵan ózge eki adamǵa ańshy myltyǵynan oq jaýdyrǵan. Nátijesinde bes adam qaza tapty. Eki politsiia qyzmetkeri, bir jeke sot oryndaýshysy jáne eki turǵyn. Olardyń biri - úidiń jańa iesi, ekinshisi - onyń tanysy.
1967 jyly týǵan kúdikti ustaldy. Ol 20 jylǵa nemese ómir boiyna deiin bas bostandyǵynan aiyrylýy múmkin.
«Bank TsentrKredit» AQ is boiynsha barlyq qajetti qujatty usynatyndaryn jáne zardap shekkenderdiń týystaryna jan-jaqty kómek kórsetetinderin jetkizdi.
