Almatyda jyl sońyna deiin 900 myń adamǵa vaktsina egiledi. Bul týraly onlain brifing barysynda qalalyq qoǵamdyq densaýlyq saqtaý basqarmasynyń ókili, telemeditsina ortalyǵynyń basshysy Laýra Myrzaǵali málim etti, dep habarlaidy "Ult aqparat".
«Sáýir aiynyń besi kúni biz vaktsinanyń 14 900 dozasyn alamyz. Qalǵan dozalar bir ai ishinde jetkizilýi kerek. Jalpy, buǵan barlyq meditsinalyq uiymdar daiyn. Sonymen qatar, ákimniń tapsyrmasy boiynsha jáne ministr A. Tsoidyń saparynan keiin qalada 250-ge deiin vaktsinatsiia pýnkti daiyndalýda. Jyl sońyna deiin 900 myń adamǵa deiin vaktsina egý josparda», - dedi ol.
Eske salaiyq, Baqytjan Saǵyntaev Almatyda vaktsinaǵa kvota ulǵaitylatynyn aitqan bolatyn.
