Almaty qalasy boiynsha Ekologiia departamenti basshysynyń orynbasary Daniiar Álimseiitov qalanyń ekologiialyq qaýipsizdigin qamtamasyz etý maqsatynda qabyldanyp jatqan sharalar týraly aitty, dep habarlaidy QazAqparat.
«Almaty qalasy boiynsha Ekologiia departamenti jeke jáne zańdy tulǵalardyń atmosferalyq aýany, sý men topyraqty qorǵaý bóliginde QR ekologiialyq zańnamasyn saqtaý, sondai-aq óndiris jáne tutyný qaldyqtaryn esepke alý, kádege jaratý jáne zalalsyzdandyrý normalary men qaǵidalaryn saqtaý jónindegi qyzmetine memlekettik ekologiialyq baqylaýdy jáne qadaǵalaýdy júzege asyrady»,– dedi ol.
Daniiar Álimseiitovtyń aitýynsha, Almaty qalasy boiynsha ekologiia departamenti 2020 jyldyń basynan beri 35 tekserý júrgizdi, onyń ishinde 5 profilaktikalyq, 14 jospardan tys jáne basqa da nysandar boiynsha - 16.
«Inspektsiialyq qyzmet barysynda ekologiia salasy boiynsha 46 zańbuzýshylyq anyqtaldy. Ákimshilik quqyq buzýshylyq týraly 13 hattama toltyrylyp, 3 mln teńgeden astam somaǵa 11 aiyppul óndirildi», - dedi Daniiar Álimseiitov.
Sonymen qatar, ol Memlekettik ekologiialyq saraptama qorytyndysynyń jáne qorshaǵan ortaǵa emissiiaǵa ruqsattyń joqtyǵy úshin belgilengen tártippen Almaty qalasynyń mamandandyrylǵan aýdanaralyq ekonomikalyq sotyna sýbektileriniń qyzmetin toqtata turý úshin 16 talap aryz joldanǵanyn atap ótti. Onyń ishinde 7 ótinish qanaǵattandyryldy, qalǵan 9 ótinish qaralýda.
Jyl basynan beri 819 synama alynyp, qorshaǵan ortanyń 930 komponentine taldaý jasaldy.
