Almaty ákimi Baqytjan Saǵyntaev Ortalyq kommýnikatsiialar qyzmetinde ótken brifingide qalada jumys oryndaryn qurý jáne indýstriialyq jobalardy iske asyrý sharalary týraly aityp berdi, dep habarlaidy QazAqparat.
Megapolis ákimi B. Saǵyntaev málim etkendei, 1 jeltoqsandaǵy jaǵdai boiynsha Almatyda 77,6 myń jańa, sonyń ishinde 36,9 myń turaqty jumys orny quryldy. Kásipkerlik sýbektiler 29,8 myń jumys ornyn ashty.
«Almaty ákimdigi júzege asyrǵan daǵdarysqa qarsy sharalar paketi azamattardyń jumys oryndary men kiristerin saqtaýǵa,shaǵyn jáne orta biznesti qoldaýǵa, óndiristik tizbektegi jańa tapsyrystardy yntalandyrýǵa baǵyttalǵan», - dep atap ótti Almaty ákimi Baqytjan Saǵyntaev.
Barlyq memlekettik baǵdarlama aiasynda 47,8 myń jumys orny quryldy. Onyń ishinde «Eńbek» memlekettik baǵdarlamasy boiynsha –18 648 oryn, «Jumyspen qamtýdyń jol kartasy - 2020» – 21 689, «Biznestiń jol kartasy - 2025» – 3 540, «Qarapaiym zattar ekonomikasy» –1 419, óńirlerdi damytý –824, «Nurly jer» – 455, indýstriialdy-innovatsiialyq damý – 869, bilim men ǵylymdy damytý – 70.
«Biznestiń jol kartasy - 2025» memlekettik baǵdarlamasy boiynsha 102 mlrd teńgemen 556 jobaǵa qoldaý kórsetildi. «Qarapaiym zattar ekonomikasy» baǵdarlamasy boiynsha 1,4 myń turaqty jumys ornyn qurý arqyly 121,2 mlrd teńgemen 66 joba maquldandy.«Jumyspen qamtýdyń jol kartasy» boiynsha aǵymdaǵy jyly 21,7 myń jumys ornyn qurý arqyly 228 joba júzege asyrylýda. Sonyń ishinde Jumyspen qamtý ortalyǵy arqyly shamamen 10,7 myń adam eńbekpen qamtyldy», – dep atap ótti ákim.
Sonymen qatar,ol Almatynyń Indýstrialdy aimaǵynda 6,5 myń jumys ornyn qurýmen 200 mlrd teńgege 53 joba júzege asyrylyp jatqanyn jetkizdi. Búgingi tańda 2348 jumys ornyn qurýmen 63,5 mlrd teńgege 13 joba iske asyryldy. Jyl sońyna deiin taǵy 453 jumys orny ashylady. Sondai-aq 17,3 mlrd teńgege 6 jobany iske qosý josparda.
