Almatyda Qazaqstan Prezidenti Qasym-Jomart Toqaevtyń qatysýymen qalanyń áleýmettik-ekonomikalyq damýyna arnalǵan keńes ótip jatyr, dep habarlaidy QazAqparat.
Atalǵan keńeste Almaty qalasynyń ákimi Baqytjan Saǵyntaev 2019 jyldyń 9 aiyndaǵy damýdyń negizgi nátijelerine jáne qalanyń aldynda turǵan túiindi máselelerge qysqasha toqtalyp ótti.
«Qazirgi kórsetkishter áleýmettik-ekonomikalyq damýdyń oń dinamikasyn kórsetip otyr. I-shi jartyjyldyqta jalpy óńirlik ónim ósimi 4,1%-dy qurady. Ónerkásip 5,9%-ǵa artty. Investitsiia – 5,5%-ǵa, qurylys - 3,1%-ǵa,turǵyn úidi paidalanýǵa berý - 2,8%-ǵa ósti. Infliatsiia 3,3%-dan aspaidy. Jumyssyzdyq deńgeii 5,1%-ǵa deiin tómendedi. Jyl basynan beri 29,2 myń jańa jumys orny ashyldy. Salyqtyq ákimshilendirýdi jaqsartý esebinen memlekettik biýdjetke túsetin salyq ótken jylǵa qaraǵanda 12,4%-ǵa kóp jinaldy»,- dedi Baqytjan Saǵyntaev.
