Almatyda júrip bara jatqan avtobýstyń artqy dóńgelegi ushyp ketti, dep habarlaidy "Ult aqparat".
Oqys oqiǵa búgin tústen keiin Tóle bi men Muqanov kóshesiniń qiylysynda bolǵan. Onyń videosy men sýretteri áleýmettik jelide tarady.
Facebook qoldanýshynyń aitýynsha, oqys oqiǵaǵa Tóle bi kóshesindegi joldyń tegis emestigi sebep bolǵan. Buǵan deiin de almatylyqtar osy magistralda júrgizilip jatqan sheksiz jóndeý jumystaryna birneshe ret shaǵymdanǵan.
Qalalyq mobildilik basqarmasynyń málimetinshe, avtobýs júrgizýshisi ainadan túsip qalǵan dóńgelegin kórip, der kezinde áreket etken.
«Júrgizýshi avtobýsty ýaqytynda toqtatyp úlgergen. Qazirgi ýaqytta keleńsizdikter túzetildi, avtobýs parkine oralady. Jolaýshylardyń eshqaisysy zardap shekken joq. Avtopark qyzmettik tergeý júrgizýde, oqiǵanyń sebebi anyqtalady», - dep habarlady basqarmadan.
Aita keteiik, Tóle bi kóshesinde injenerlik jelilerdi qalpyna keltirý jumystary júrgizilip jatyr.
