Almatyda júk kóligi balasy bar áieldi qaǵyp ketti. Qalalyq politsiia basqarmasy jol apatyna qatysty túsinikteme berdi, dep habarlaidy "Ult aqparat".
Facebook qoldanýshysy Marina Salievanyń aitýynsha, oqiǵa 15 naýryz kúni tańǵy saǵat 09:30 bolǵan. Pavlodar kóshesindegi aialdamada júk kóliginiń júrgizýshisi eki adamdy qaǵyp ketken.
Qalalyq politsiia departamenti baspasóz qyzmetiniń málimetinshe, bul fakt QRQK 345-baby, 2-bóligi (Jol qozǵalysyn buzý) boiynsha júrgizilip jatyr.
«Zardap shekkenderdiń jol apaty kezinde alǵan jaraqattardyń aýyrlyǵyn anyqtaý úshin sot-meditsinalyq saraptama taǵaiyndaldy. Óndiris obektivtilik, tolyqtyq jáne jan-jaqty printsipterin qatań saqtai otyryp júzege asyrylady. Osy oqiǵany áleýmettik jelide baiandaǵan avtordyń dálelderi negizsiz jáne qoǵamdy adastyrady», - dep túsindirdi politsiiadan.
