Jol jieginen alynǵan eski bordiýrlar qaladaǵy aýdandardy abattandyrý úshin qoldanylady. Bul týraly Almaty ákimdigi málim etti, dep habarlaidy "Ult aqparat".
«Joldardy ortasha jáne kúrdeli jóndeý kezinde jaramsyz bolyp qalǵan bordiýrlar bólshekteledi. Eski bordiýrlardyń basym bóligi qaita paidalanylady. Máselen, «Ainabulaq-1» jáne «Kókmaisa «shaǵynaýdandarynda ózen arqyly ótetin kópirdiń jan-jaǵyn abattandyrý jumystary júrgizilýde. Eski bordiýrlerdi sol jerde qoldandyq. Jaiaý júrginshilerdiń qozǵalysyn qamtamasyz etý úshin trotýar salynyp, plitalar ornatyldy. Jumys barysynda Qazakov jáne Goncharova kóshelerin ortasha jóndeý kezinde bólshektelgen 700 bordiýr qoldanyldy. Sondai-aq, qala alańdarynan alynyp tastalǵan eski trotýar plitalary da qaita qoldanylady», – dep habarlady ákimdikten.
Jalpy, qalada bordiýrler buzylǵan kezde aýystyrylady. Jaramsyz bolyp qalǵan bordiýrler joiylady.
2020 jyly megapoliste uzyndyǵy 200 shaqyrym bolatyn 283 kóshede ortasha jóndeý jumystaryn júrgizý josparlanǵan. Onyń 25-de bordiýrler aýystyrylady.
