Almatyda «Mersedes-benz G-500» kóligi aýdarylyp qaldy. Júrgizýshi jaraqat aldy, dep habarlaidy "Ult aqparat".
Apattyń videosy áleýmettik jelide paida boldy.
Almaty qalalyq Politsiia departamentiniń málimetinshe, jol-kólik oqiǵasy ótken túnde Baizaqov kóshesinde boldy.
«Daewoo Nexia» avtokóliginiń júrgizýshi Maqataev kóshesimen batys baǵytta kele jatyp Baizaqov kóshesiniń qiylysynda ońtústik baǵytta kele jatqan kólikke jol bermei «Mercedes-benz G-500» kóligimen soqtyǵysqan. Atalǵan derek Almaly aýdandyq politsiia basqarmasynda tekserilip jatyr», - dedi Almaty qalalyq PD anyqtaý basqarmasynyń bastyǵy Oljas Sháripov.
Apat saldarynan jol talǵamaityn kólik júrgizýshisi túrli dene jaraqatymen №4 qalalyq klinikalyq aýrýhanaǵa jetkizildi.
