Almatyda 19 aqpanda joǵalyp ketken 73 jastaǵy zeinetker Evgenii Savchinniń izdestirilip jatqanyna bir apta boldy, - dep habarlaidy Tengrinews.kz.
"Ákem joǵalyp ketti. 19.02.2021 jyly úiden shyǵyp, oralmady. Qandai da bir aqparat bilseńiz myna telefondarǵa habarlaýyńyzdy ótinemiz: +7 701 769 77 43, + 7 707 415 16 11. Aqparatty barynsha taratýdy suraimyn. Biz qolymyzdan kelgenshe bárin kóterdik, biraq ázirge nátije joq. Kúni-túni izdep jatyrmyz", - dep jazdy uly Maksim Savchin.
Zeinetker telefonyn úide qaldyryp ketken. Qońyr pálte, kók djinsy men ań terisinen jasalǵan bas kiim kigen. Onyń este saqtaý qabileti nashar ekeni habarlandy.
Ony adamdar sońǵy ret Jumabaev pen Jansúgirov kósheleriniń qiylysynda kórgen.
Maksim Savchinniń aitýynsha, ol eriktilermen birge dárihana, dúken, tehnikalyq qyzmet kórsetý stantsiialarynyń beinebaqylaý kameralaryn qarap, zeinetker júrdi-aý degen búkil joldy aralap shyqqan. Ol bireý ákesin taýyp, úiine kirgizdi degen úmitte.
