Almatyda joǵalyp ketken 15 jastaǵy jasóspirimniń denesi tabyldy, dep habarlaidy QazAqparat.
Almaty qalalyq politsiia departamentiniń málimetinshe, Medeý aýdandyq politsiia basqarmasyna 2007 jyly týǵan balanyń joǵalǵany týraly aqparat 23 maýsym kúni túsken.
«Tergeý toby búgin qaladaǵy baý-baqsha qoǵamynyń birinen denesinde zorlyq-zombylyq belgileri bar balanyń óli denesin tapty», - dep habarlady politsiiadan.
Politseiler 16 jastaǵy jasóspirimdi ustady. Kúdikti aradaǵy janjaldan keiin dosyn óltirgenin moiyndady.
«Sotqa deiingi tergeý jalǵasyp jatyr. Qajetti sot-meditsinalyq saraptama taǵaiyndaldy», - dep atap ótti vedomstvonyń baspasóz qyzmetinen.
