Almatyda jeti alaiaqtyq deregine qatysy bar áiel ustaldy, - dep habarlaidy Tengrinews.kz agenttigi Polisia.kz portalyna silteme jasap.
Tártip saqshylary málimetinshe, J. esimdi áiel shaǵyn nesie saittaryn paidalanyp, ekinshi deńgeili bank arqyly kepilsiz nesie alý boiynsha qyzmet usynǵan.
"Jedel izdestirý is-sharalary barysynda 27 jastaǵy áiel ustaldy. Barlyq aryz tirkeldi. QR QK-niń 190-baby 3-bóligi 4-tarmaǵyna sáikes qylmystyq is qozǵaldy. Kúdikti óz "qyzmeti" úshin 100-den 200 myń teńgege deiin syiaqy suraǵan. Aqshany alǵannan keiin uialy telefonyn óshirip tastaǵan, al túsken aqshany óz qalaýy boiynsha paidalanǵan", - dedi Naýryzbai aýdandyq Politsiia basqarmasynyń bastyǵy Didar Ahanov.
