Almatyda jylytý maýsymy bastalǵaly, 7 adam tabiǵi gazdan ýlanyp qaldy. Bul týraly onlain brifing barysynda Almaty qalasy TJD zilzalalardyń qaýip-qaterin azaitý jáne azamattyq qorǵaý salasyndaǵy baqylaý basqarma bastyǵynyń mindetin atqarýshy Talǵat Dúisebaev aitty, dep habarlaidy "Ult aqparat".
«Qatty otynmen jylytylatyn úilerdiń sany azaiǵanymen, tabiǵi gazben ýlaný qaýpi artyp keledi. Sonymen, qyrkúiek aiynyń basynan bastap, aǵymdaǵy jylytý kezeńinde 7 adam tabiǵi gazdan ýlanyp úlgerdi, onyń 3-ýi bala . Sondai– aq, 4 adam qatty otyn (kómir) peshiniń kómirtegi totyǵynan ýlandy, onyń 2-ýi bala», - dedi Talǵat Dúisebaev.
Onyń aitýynsha, osyǵan bailanysty, Turǵyn úi saiasaty basqarmasy men «QazTransGazAimaq» AQ- na «Gaz taratý júieleri» 8.12 tarmaǵyna sáikes, gaz júieleri men jabdyqtaryn tek qana gazdyń aǵyp ketý datchikteri (gaz analizatory) bolǵan jaǵdaida ǵana paidalanýǵa berý usynyldy.
Sonymen qatar, Almaty qalasy Tótenshe jaǵdailar departamenti turǵyndar arasynda ysqa ýlanýdy boldyrmaý úshin kelesi negizgi erejelerdi saqtaý qajettigin eskertedi:
– úidegi barlyq elektr symyn jaramdy kúide ustańyz;
– jylý berý kezeńinde, jylytý peshteriniń murjasyn, kúie qubyryn tazartyńyz;
– murjadaǵy tartqyshty tekserip, túnde murjany jappańyz;
– aǵash, zyǵyr mata jáne basqa janǵysh zattardy peshte, murjada jáne basqa da jylytý qurylǵysynda keptirýge jol bermeńiz;
– avtonomdy jylytý jáne gaz qurylǵysyyn qaýipsiz paidalaný erejesin saqtańyz.
