Almaty Qoǵamdyq densaýlyq saqtaý basqarmasy jedel járdem qyzmetindegi quqyq qorǵaý organdarynyń tekserýine qatysty istiń mán-jaiyn aitty, - dep habarlaidy "Ult aqparat".
Vedomstvonyń baspasóz qyzmeti Jedel járdem stantsiiasy ákimshiliginiń ótinishi boiynsha quqyq qorǵaý organdary tekserý júrgizgenin málim etti.
«Jospardan tys túgendeý barysynda qosalqy stantsiialarda dári-dármekter men meditsinalyq buiymdardyń jetispeýshiligi jáne normadan kóp ekeni anyqtaldy. Mysaly, maska, qorǵanys ekran, rezeńke etik jáne basqasy. Mán-jaidy obektivti tekserý úshin jedel járdem stantsiiasy ákimshiligi aqparatty tiisti organdarǵa jiberdi. Tekserý jáne tergeý nátijeleri boiynsha sharalar qabyldanady», - dep habarlady vedomstvadan.
Sonymen qatar, jedel járdem stantsiiasynda qyzmetkerlerge jalaqy tóleý boiynsha keshigýler joq ekeni aityldy.
Aita keteiik, Almaty qoǵamdyq densaýlyq saqtaý basqarmasynyń ókili Svetlana Sultanǵazieva onlain brifingide prokýratýra jedel járdem jumysyndaǵy zańbuzýshylyqtarǵa bailanysty isti tergep jatqanyn aitqan edi.
