Foto: QR MAM
2025 jyldyń 10 qazanynda Almatydaǵy QR Ulttyq kitaphanasynda kórnekti jazýshy, qoǵam qairatkeri Jumabai Shashtaiulynyń 75 jyldyǵyna arnalǵan «Ózgermegen adam» atty eske alý keshi ótti, dep habarlaidy Ult.kz.
Is-sharaǵa jazýshynyń shákirtteri, áriptesteri, otbasy músheleri jáne ziialy qaýym ókilderi qatysty. Kesh aiasynda jazýshyǵa arnalǵan estelik kitaptyń tusaýkeseri ótti. Sonymen qatar, qalamgerdiń shyǵarmashylyq joly, ómirlik ustanymy jáne el igiligi jolyndaǵy eńbegi jaily estelikter aityldy.
Jinaqta jazýshynyń arhivtik materialdary, zamandastarynyń pikirleri men sirek fotosýretteri qamtylǵan. Sondai-aq, kitapta onyń ádebi murasy men tulǵalyq bolmysyna qatysty mańyzdy derekter usynylǵan.
