Almatyda búgingi nóser jaýynnyń saldarynan Mega saýda ortalyǵynyń tóbesinen sý ketti, dep habarlaidy QazAqparat.
Saýda ortalyǵynyń tóbesinen aqqan sýdyń videosy áleýmettik jelide tarady.
Osyǵan bailanysty saýda ortalyǵynyń baspasóz qyzmeti málimdeme jasady.
«Aýa raiynyń qolaisyzdyǵyna bailanysty búgin MEGA Alma-Ata saýda ortalyǵy jabyldy. Qaýipsizdik is-sharalaryna túsinistikpen qaraýlaryńyzdy suraimyz. Saýda ortalyǵynyń shatyryndaǵy zaqymdardy tez arada túzetý boiynsha jumystar júrgizilýde. Ǵimarat shatyrynyń aýdany 58 500 sharshy metrdi quraitynyn eske salamyz. MEGA Alma-Ata saýda ortalyǵy erteń, 25 maýsymda ádettegi jumys kestesine sáikes qaita ashylady», - delinedi habarlmada.
Eske salaiyq, búgin Almatyda tústen keiin kún kúrkirep, nóser jaýyn jaýdy. Tolassyz jaýǵan jaýyn sýy kóshelerdegi aryqtardy toltyryp, kóshelerdi sý basty.
