Biyl «Almaty jastary» jobasy aiasynda qalanyń 1 myń turǵyny baspanaly bolady. Bul týraly shahar basshysy Erbolat Dosaev Áýezov aýdany turǵyndarymen kezdesý barysynda aitty, dep habarlaidy QazAqparat.
Aitýynsha, ótinim qabyldaý 18 mamyrdan bastap 1 maýsymǵa deiin jalǵasady.
«Biyl Almatyda 1 myń jas otbasy baspanamen qamtamasyz etiledi. Olar – meditsina qyzmetkerleri, oqytýshylar, JOO men ǴZI oqytýshylary men ǵylymi qyzmetkerleri, mádeniet jáne sport salasynyń qyzmetkerleri, jýrnalister, jazýshylar, halyqty áleýmettik qorǵaý jáne quqyq qorǵaý organdarynyń mamandary», - deidi Erbolat Dosaev.
Bul baǵdarlama arqyly úi satyp alý úshin 5%-ben 25 jylǵa 18 mln teńge nesie beriletin bolady. Degenmen, bastapqy salym retinde úi alýshy 10% somasyn tóleýi qajet.
Aita keteiik, 2020 jyly úi alýǵa beriletin qaryz 13 mln teńge edi. Byltyr nesie kólemi 18 mln teńgege arttyryldy.
