Almatyda Jańa jylǵa arnalǵan merekelik otshashý bolmaidy, dep habarlaidy QazAqparat.
Bul týraly Almaty qalasynyń ákimdigi málim etti.
«Almatyda koronavirýs infektsiiasy taralýynyń aldyn alý jónindegi qalalyq shtabtyń habarlaýynsha, COVID-19 boiynsha epidemiologiialyq ahýaldyń nasharlaýyna bailanysty ári adamdar kóp shoǵyrlanǵan oryndarda azamattardyń juqtyrý jaǵdailarynyń aldyn alý maqsatynda Almatyda 31 jeltoqsanda merekelik otshashý josparlanbaidy», - delingen ákimdik taratqan aqparatta.
Desek te, 25 jeltoqsannan qańtar aiynyń sońyna deiin megapoliste 60-tan astam túrli is shara ótedi. Onyń ishinde balalarǵa arnalǵan erteńgilikter, teatr qoilymdary, kontsertter bar.
Jańa jylǵa arnalǵan mádeni is-sharalardyń baǵdarlamasymen Almaty qalalyq mádeniet basqarmasynyń Instagram paraqshasynan tanysýǵa bolady.
