Almatyda taǵy bir jolairyq salynady. Bul týraly qalalyq mobildik basqarma basshysynyń orynbasary Ernur Abjahan málim etti, dep habarlaidy "Ult aqparat".
Megapolistegi jańa jolairyq Móńke bi men Sain kósheleriniń qiylysynda salynady. Qazirgi ýaqytta jobalyq-smetalyq qujat daiyn. Jol qurylysy biyl bastalady.
«Móńke bi men Sain kóshesiniń qiylysynda jolairyq paida bolady. Bul Úlken Almaty ainalma avtojolyna shyǵatyn joldar. Sondyqtan oǵan shyǵatyn eki úlken magistralda kólik júktemesi bolmas úshin jolairyq salý josparlandy», - dedi qalalyq mobildik basqarmasy basshysynyń orynbasary Ernur Abjahan.
Sondai-aq, eki jolaqty jergilikti ótpe joldar qurylysy josparlanǵan. Rysqulov dańǵylynan Móńke bi kóshesine deiin jaiaý júrginshiler jáne velosiped joldary salynady.
