Kórneki sýret: pixabay.com
Qarasha aiynyń sońyna deiin Almaty indýstriialyq aimaǵynda temirjol stantsiiasy iske qosylady. Bul qazirgi turǵyndar men bolashaq investorlar úshin negizgi nysan bolady. Bul týraly baspasóz týry barysynda jýrnalisterge "Indýstrialnaia zona - Almaty" JShS direktory Álisher Satybaldiev málimdedi, dep habarlaidy kaz.tengritravel.kz.
Onyń aitýynsha, qurylys barysynda jiberilgen zańbuzýshylyqtarǵa bailanysty nysan tórt jyldan astam ýaqyt boiy kóliktik baqylaý inspektsiiasynyń eskertýleri boiynsha konservatsiiada tur.
"Qazir is-sharalar jospary ázirlendi. Birinshi kezekte, bul jóndeý-qalpyna keltirý jumystary. Ári qarai, teplovozdardyń jumysy, tehnikalyq sipattamalary jáne basqa da tehnikalyq qujattar týraly nusqaýlyq daiyndaý qajet. Búgingi tańda kóliktik baqylaý inspektsiiasynyń eskertýleri boiynsha komissiialyq aqaý aktisi daiyndaldy. Jumystardy oryndaý kólemi anyqtaldy. Tártipke keltirý qajet quqyqtyq qujattar anyqtaldy. Jaqyn arada jóndeý-qalpyna keltirý jumystaryna kirisemiz. Atalǵan nysandy biyl qarasha aiynyń sońyna deiin iske qosýdy josparlap otyrmyz", - dedi Álisher Satybaldiev.
Ol stantsiianyń qurylysy tamyzdyń ortasynda bastalatynyn atap ótti. Joldyń jalpy uzyndyǵy 8 km quraidy, ol "Boraldai" stantsiiasyna janasady, stantsiiaǵa kirme joldar - 1,8 km. Osy aidyń ózinde rezident kompaniialar temirjoldarǵa janasýǵa tehnikalyq sharttar alady. Tasymaldanatyn júkterdiń kólemi jylyna 1,8 mln tonna deńgeiinde kútilýde.
Bastapqyda qurylys úshin 1,5 mlrd teńge kóleminde investitsiialar paidalanyldy. Álisher Satybaldiev ony qalpyna keltirý úshin qajetti investitsiia somasy shamamen 200 mln teńgeni quraitynyn túsindirdi: keibir shpaldardy aýystyrý, jaryqtandyrýdy, energiia blogyn jóndeý qajet bolady.
Almatynyń indýstrialdy aimaǵynyń jalpy kólemi - 490 gektar, onyń 326 gektary jobalarǵa, qalǵan 164 gektary infraqurylymǵa bólingen. Investitsiialyq jobalardy iske asyrý úshin 233,7 ga bólindi, 275,8 mlrd teńgege 69 jobasy bar 67 kompaniia rezidentter bolady.
Álisher Satybaldiev Úkimetke indýstriialyq aimaqtyń aýmaǵyn 200 gektarǵa keńeitý týraly usynys engizý josparlanyp otyrǵanyn aitty. Qazir jaqyn mańdaǵy ýchaskeler zerttelip jatyr. Onyń aitýynsha, kún saiyn áleýetti rezidenttermen, sonyń ishinde reseilik jáne eýropalyq kompaniialarmen, atap aitqanda Germaniiadan 10-ǵa deiin kezdesýler ótkiziledi. Olar munai-himiia, meditsina, qurylys indýstriiasy siiaqty túrli salalardyń óndiristerin ashýǵa múddeli.
