Almatyda qaraýsyz qalǵan alańqailarda oiyn jáne sport alańdary jabdyqtalyp, abattandyrý jáne kógaldandyrý jumystary júrgizildi, dep habarlaidy QazAqparat.
Jańa qoǵamdyq keńistik Áýezov aýdanyndaǵy «Altyn besik» yqsham aýdanynda ashyldy. Almaty ákimi Baqytjan Saǵyntaev jumys sapary kezinde qoǵamdyq keńistiktiń abattandyrylýymen tanysyp, aralap kórdi.
Aitý kerek, buryndary aýmaǵy 9 myń sharshy metr bolatyn alań qaraýsyz qalǵan edi.
Almaty ákiminiń tapsyrmasy boiynsha alań tazartylyp, trenajerler, tennis ústelderi, vorkaýt-aimaǵy bar sport alańy uiymdastyryldy.
Sondai-aq, fýtbol jáne basketbol, skeit alańdary, balalardyń oiyn aimaǵy qarastyrylǵan. Jaryqtandyrylyp, beinebaqylaý ornatylǵan.
Eske salsaq, budan buryn osy yqsham aýdanynyń Ánet baba kóshesinde abattandyrylǵan keńistik ashylyp, onda jataqhana salý josparlanǵan bolatyn.
Qala ákimi Baqytjan Saǵyntaev aýdan turǵyndarynyń ótinishterinen keiin sheshim qabyldaǵan soń, qazir munda fýtbol jáne basketbol alańdary, júgirý joldary bar sport alańy, balalarǵa arnalǵan oiyn alańy, vorkaýt-aimaq jáne skeit-alań salyndy.
Aýmaq abattandyrylyp, jaryqtandyryldy, ýrnalar men oryndyqtar qoiyldy, butalar men aǵashtar otyrǵyzyldy.
Jaqyn jerge 120 oryndy balabaqsha salynady.
Ýchaskeniń bir bóligi saiabaq aýmaǵy retinde abattandyrylyp, kishi sáýlet pishinderi qoiylyp, gúlzarlar jasaldy.
